Bakı bulvarında avarçəkmə üzrə açıq çempionat təşkil olunacaq.
Bakuplus.az xəbər verir ki, avqustun 22-də Bakı Şəhər Gənclər və İdman İdarəsi ilə Azərbaycan Kanoe və Avarçəkmə Federasiyasının (AKAF) birgə təşkilatçılığı ilə avarçəkmə üzrə açıq Bakı çempionatı keçiriləcək.
Turnir Bakı bulvarında, AKAF-ın binası qarşısında baş tutacaq. Bakı və Mingəçevirdən gələn yeniyetmə və gənc idmançılar müxtəlif yaş kateqoriyalarında yarışacaq.
İdmançılar kayak və kanoe növlərində 200 və 500 metr məsafədə bir və iki nəfərlik qayıqlarda, akademik növdə isə 500 metr məsafədə yalnız bir nəfərlik qayıqda mübarizə aparacaq. Çempionat saat 11:00-də başlayacaq və bir gün davam edəcək.
