Avtobus zolaqları tətbiq olunandan sonra avtobus sürücülərinin və sərnişinlərin işi xeyli yüngülləşdi. Lakin cəzaların tətbiq olunmasına baxmayaraq, avtobus zolağına daxil olan sürücülər hələ də var. Bu haqda bu gün, 21 noyabr tarixində Bakuplus.az ARB Xəbər-ə istinadən məlumat verir.
Zolağa keçəndə cərimələnməmək üçün avtobusların arxası ilə hərəkət edib ərazidə olan müşahidə kamerasından yayınmağa çalışanlar cərimələnə bilərlər. Bu cərimələr avtobuslardan çəkilən görüntülər əsasında tətbiq olunacaq.
“Bildirmək istərdik ki, avtobusların ön və arxa hissələrində kameralar quraşdırılıb. Bu kameralar yolun hərəkət hissəsi lentə alır və avtobus zolağına daxil olmuş avtomobillər kamera vasitəsilə görüntülənir. Biz bu görüntüləri aidiyyəti dövlət qurumuna təqdim edirik. Görüntülər əsasında yol hərəkəti qaydasını pozmuş sürüclər inzibati məsuliyyətə cəlb edilə bilərlər”, – deyə daşıyıcı şirkətin nümayəndəsi Nizam Rzayev bildirib.
Bakı Şəhər Dövlət Yol Polis İdarəsindən isə deyildi ki, hələlik ərazidə olan müşahidə kameralarından əldə edilən görüntülər əsasında cərimələr tədbiq olunur. Cərimənin məbləği 40 manatdır. Qurumdan, həmçinin deyildi ki, Xırdalandan Bakıya doğru çəkilən avtobus zolağından digər nəqliyyat vasitələrin istifadəsi günün istənilən saatında qadağandır.
