Bakıdan rayonlara sərnişinləri daşıyan taksi sürücülərinə Bakı Beynəxalq Avtovağzal Kompleksində dayanacaq ayrılıb. Bu hadqa bu gün, 12 fevral tarixində Avtosfer.az məlumat verib.
Azərbaycan Yerüstü Nəqliyyat Agentliyinin (AYNA) mətbuat katibi Tural Orucovun sözlərinə görə, ayrılmış sahədə 200-dək taksi minik nəqliyyat vasitəsinin fəaliyyəti üçün şərait yaradılıb. Taksi sürücüləri tam pulsuz həmin yerlərdən istifadə edə bilərlər.
“Bakı Beynəlxalq Avtovağzal Kompleksinin qarşısında yolda dayanan, hərəkətə mane olan, sərnişinlər üçün təhlükəli yerlərdə fəaliyyət göstərən taksilərə qarşı isə qanunvericiliyin tələblərinə uyğun qaydada tədbirlər görülür”, - deyə Orucov əlavə edib.
