Bakıda taksi fəaliyyətinə icazələrin alınması ilə əlaqədar açıqlama verilib. Bu haqda bu gün, 3 aprel tarixində Bakuplus.az Azərbaycan Yerüstü Nəqliyyat Agentliyinə (AYNA) istinadən xəbər verir.
Məlumata görə, 1 iyul 2024-cü il tarixindən sonra taksi fəaliyyətinə icazə alan sürücülərin avtomobillərinin yaşı 8 ildən az olmalıdır. Həmin tarixdən öncə müraciət edənlərə isə bu tələb tətbiq edilmir.
Yəni nümunə kimi, əgər avtomobil 2012-ci ildə istehsal olunubsa, 1 iyul 2024-cü il tarixinə kimi icazəyə müraciət edənlər 3 illik icazə alacaqlar. Bu halda rəng tələbi də tətbiq edilməyəcək.
