Elmi Şuranın qərarı ilə Azərbaycan Dövlət İqtisad Universitetinin işçi heyətinin maaşı artırılıb. Bu barədə universitetin rektoru Ədalət Muradov sosial şəbəkədəki hesabında bu gün, 13 dekabr tarixində məlumat verib.
“Artıq UNEC üzrə orta aylıq əmək haqqı 1166 manat, o cümlədən pedaqoji heyət üzrə 1331 manat, inzibati və tədris-köməkçi heyət üzrə 1012 manat təşkil edir”, - paylaşımda qeyd olunub.
Azərbaycan Dövlət İqtisad Universiteti 1930-cu ildə yaradılıb. Hazırda UNEC-in 9 fakültəsində 21 ixtisas üzrə 18 mindən çox tələbə və magistr təhsil alır. Universitetdə 77 professor və 326 dosent olmaqla 1000-dən çox müəllim çalışır.
