Bu gün, dekabrın 16-da Azərbaycan Milli Qəhramanı, Qarabağ müharibəsi şəhidi olmuş ilk qadın jurnalist Salatın Əsgərovanın anadan olduğu gündür.
Salatın Əsgərova 1961-ci ildə Bakıda anadan olub. O, Mikayıl Müşfiq adına 18 saylı tam orta məktəbi bitirib.
1984-cü ildə “Bakı”, 4 il sonra isə “Molodyoj Azerbaydjana” qəzetlərində işləməyə başlayıb. Qazetin əməkdaşı kimi müharibənin ilk günlərindən hərbi mövzuda yazılar yazıb və tez-tez cəbhənin qaynar nöqtələrində olub.
1991-ci il yanvarın 9-da Laçından Şuşaya gedən zaman Qaladərəsi kəndinin yaxınlığında onun olduğu avtomobil yaxın məsafədən şiddətli atəşə tutulub və jurnalist elə oradaca şəhid olub.
Salatın Əsgərova 6 noyabr 1992-ci ildə Prezidentinin fərmanı ilə ölümündən sonra “Azərbaycan Milli Qəhrəmanı” adına layiq görülüb. O, Bakı şəhərindəki Şəhidlər xiyabanında dəfn edilib.
