Prezident İlham Əliyevin müvafiq Sərəncamına əsasən, Hidayət Əzimov müdafiə sənayesi nazirinin müavini təyin olunub. Bu haqda bu gün, 13 yanvar tarixində Bakuplus.az Prezidentin saytına istinadən məlumat verir.
Hidayət Əzimov 1985-ci ildə Bakı şəhərində anadan olub, Bakı Dövlət Universitetində Hüquqşünaslıq ixtisası üzrə təhsil alıb. 2006-cı ildən 2022-ci ilədək müxtəlif şirkətlərdə hüquqşünas vəzifəsində çalışıb.
Azərbaycan Respublikası Prezidentinin 5 mart 2022-ci il tarixli Sərəncamı ilə Azərbaycan Respublikası Dövlət Ehtiyatları Agentliyinin idarə heyəti sədrinin müavini vəzifəsinə təyin olunub.
Ailəlidir, iki övladı var.
Daha öncə məlum olub ki, müdafiə sənayesi nazirinin müavini Yəhya Musayev tutduğu vəzifədən azad olunub. O, 2006-cı ildən, Müdafiə Sənayesi Nazirliyi yarandığı dövrdən nazir müavini vəzifəsini tuturdu.
