Azərbaycanın bitki örtüyü xəritəsi tərtib edilib. Bu haqda bu gün, 6 dekabr tarixində Bakuplus.az Azərtac-a istinadən xəbər verir.
Bakı Dövlət Universitetinin (BDU) Botanika və bitki fiziologiyası kafedrasının müdiri, biologiya elmləri doktoru, Azərbaycan Milli Elmlər Akademiyasının müxbir üzvü, professor Elşad Qurbanov “Azərbaycan Respublikasının bitki örtüyü xəritəsi”ni tərtib edib.
Xəritədə 89 bitki formasiyası əks olunub, 30 ildən çox müddətdə sistemləşdirilməmiş bitki tiplərinin müasir vəziyyəti nizamlı şəkildə əksini tapıb.
Azərbaycanın ilk bitki örtüyü xəritəsi 1983-cü ildə akademik Vahid Hacıyev tərəfindən tərtib edilib. Dəyişikliyə məruz qalan bitki örtüyü mütəmadi tədqiq olunur, yeni məlumatlar əldə edilir. Əldə edilmiş bütün nəticələrin vaxtaşırı ümumiləşdirilir, pərakəndəlikdən nizamlı formaya salınır.
