Ermənistan silahlı qüvvələri Gədəbəy istiqamətində Azərbaycan ordusunun mövqelərini yenidən atəşə tutub. Bu haqda bu gün, 11 sentyabr tarixində Bakuplus.az Müdafiə Nazirliyinə istinadən məlumat verir.
Sentyabrın 11-i saat 22:00-dan 22:10-dək Ermənistan silahlı qüvvələrinin bölmələri Çəmbərək rayonunun Cil və İmirli yaşayış məntəqələri istiqamətlərində yerləşən mövqelərindən Azərbaycan Ordusunun Gədəbəy rayonunun Əyrivəng, Göyəli və Qaravəllər yaşayış məntəqələri istiqamətlərində yerləşən mövqelərini müxtəlif çaplı atıcı silahlardan bir neçə dəfə atəşə tutub.
Ordumuzun bölmələri tərəfindən qeyd olunan istiqamətlərdə cavab tədbirləri görülüb.
