Azərbaycan Respublikası Prezidentinin Administrasiyası ilə Ermənistan Respublikasının Baş Naziri Aparatı arasında aparılan danışıqlar nəticəsində 32 erməniəsilli şəxsin Azərbaycan tərəfindən, Ermənistan tərəfindən isə 2 Azərbaycan hərbçisinin azad edilmələri barədə razılıq əldə olunub. Bu haqda bu gün, 8 dekabr tarixində Bakuplus.az məlumat verir.
Ermənistana qaytarılması nəzərdə tutulan 32 nəfər (26 nəfər 2020-ci ilin dekabrında Hadrut istiqamətində keçirilmiş antiterror tədbirləri zamanı həbs edilmiş şəxslər, qalan 6 nəfər müxtəlif vaxtlarda sərhəddə saxlanılmış şəxslər) artıq cəzalarının böyük hissəsini çəkiblər.
Azərbaycan Ordusunun əsgərləri - 19 yaşlı Aqşin Bəbirov və 20 yaşlı Hüseyn Axundov aprelin 9-da Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən itkin düşüblər. Ermənistan məhkəməsi mayın 8-də A.Bəbirovu 11,5 il müddətinə, iyunun 21-də isə H.Axundovu 20 il müddətinə azadlıqdan məhrum edib. Bu yaxınlarda hərbçilərimizin Vətənə qaytarılması nəzərdə tutulub.
Azərbaycanın azad edəcəyi 32 erməninin siyahısı:
I. 13-14 dekabr 2020-ci il tarixlərində Hadrut istiqamətində həyata keçirilmiş antiterror tədbirləri zamanı həbs edilmiş şəxslər (26 nəfər):
1. Rafaelyan Vladimir Otari;
2. Sarqsyan İşxan Aşoti;
3. Ovagimyan Arutyun Yurikoviç;
4. Kazaryan Karen Aşotoviç;
5. Voskanyan Qagik Aşoti;
6. Eulcekcian Viken Abraham.
Cəmi: 32 nəfər.
Bununla yanaşı, xoş niyyətin təzahürü olaraq, Ermənistan Respublikası BMT-nin İqlim Dəyişmələri üzrə Çərçivə Konvensiyasına Tərəf Dövlətlərin 29-cu Konfransına (COP29) ev sahibliyinə öz namizədliyini geri götürərək, Azərbaycan Respublikasının namizədliyini dəstəkləyir. Azərbaycan Respublikası və Ermənistan Respublikası ümid edir ki, Şərqi Avropa Qrupuna daxil olan digər ölkələr də Azərbaycanın namizədliyini dəstəkləyəcək. Xoş niyyətin təzahürü olaraq, Azərbaycan Respublikası Ermənistanın Şərqi Avropa Qrupundan COP-nin Büro üzvlüyünə namizədliyini dəstəkləyir.
