Paytaxtın Zərifə Əliyeva küçəsində olan avtobus zolağı Azərbaycan Yerüstü Nəqliyyat Agentliyinin (AYNA) nəzarətinə götürülüb. Bu haqda bu gün, 27 oktyabr tarixində Bakuplus.az AYNA-ya istinadən xəbər verir.
Rəqəmsal İnkişaf və Nəqliyyat Nazirliyi yanında AYNA əməkdaşları ərazini nəzarətə götürüblər və hərəkətin tənzimlənməsində onlara Dövlət Yol Polisi (DYP) əməkdaşları yardım edirlər.
Sözügedən ərazidə avtobus zolağı və dayanacaq “manatlıq” taksi sürücüləri və onları gözləyən piyadalar tərəfindən zəbt edilmişdi. Bu səbəbdən avtobuslar sərnişin götürmək üçün dayanacağa daxil ola bilmir, sərnişinlər isə avtobusa minmək üçün yola çıxmalı olurlar. Həmçinin ərazidə tıxac yaranır və bu, avtobusların qrafikində gecikmələrə səbəb olur.
