Fevralın 7-də keçiriləcək növbədənkanar prezident seçkilərində namizədlərin sayı 15-ə çatıb. Bu haqda bu gün, 26 dekabr tarixində Bakuplus.az Report-a istinadən məlumat verir.
Sərvan Kərimov, Mətləb Mütəllimli, Abutalıb Səmədov, Fikrət Yusifov, Yusif Bağırzadə, Arzuman Abdulkərimov, Yunus Oğuz və Qulamhüseyn Əlibəylinin namizədliklərinin irəli sürülməsi səsverməyə çıxarılaraq qəbul edilib.
Dekabrın 15-də Yeni Azərbaycan Partiyası idarə heyətinin genişləndirilmiş iclasında İlham Əliyevin prezident seçkilərində namizədliyinin irəli sürülməsi ilə bağlı qərar qəbul edilib.
Bundan başqa, qeydə alınan namizədlər arasında Milli Cəbhə Partiyasının (MCP) sədri Razi Nurullayev, deputat Qüdrət Həsənquliyev (Bütöv Azərbaycan Xalq Cəbhəsi Partiyasından), deputat Fazil Mustafa (Böyük Quruluş Partiyası), Sosial Tədqiqatlar Mərkəzi idarə heyətinin sədri, deputat Zahid Oruc, Böyük Azərbaycan Partiyasının sədri Elşad Musayev və keçmiş Azərbaycan Liberal Demokrat Partiyasının sədri Fuad Əliyev da var.
