Son zamanlar sosial şəbəkələrdə 2024-cü ildən başlayaraq Azərbaycanda bütün Mənzil Kommunal İstismar Sahələrinin (MKİS) ləğv ediləcəyi, onların funksiyalarının bələdiyyələrə veriləcəyi barədə iddialar yayılmağa başlayıb. Bu haqda bu gün, 11 dekabr tarixində Bakuplus.az Caliber.az-a istinadən məlumat verir.
Bakı şəhər İcra Hakimiyyətindən (BŞİH) MKİS-lərin ləğvi ilə bağlı bütün iddialar təkzib edilib.
“Hazırda MKİS-lərin ləğv olunacağı ilə bağlı məlumat yoxdur. Qurumlar çoxlu sayda insanı işlə təmin edir. MKİS-lər bağlansa, səhəri gün Bakı zibil bataqlığında qalacaq. Axı bələdiyyələrin nə texnikası, nə kadrları, nə də hazırda MKİS-lərin gördüyü bütün işləri görməyə səlahiyyətləri var.
Yalnız daha da təkmilləşdirmək, ofislərin səmərəliliyini artırmaq olar və bu məsələ aktualdır, artıq bu istiqamətdə işlər aparılır”, – deyə BŞİH-dən qeyd ediblər.
