Qarşıdan gələn növbədənkanar prezident seçkilərində namizədlərin sayı yeddiyə çatıb. Bu haqda bu gün, 18 dekabr tarixində Bakuplus.az məlumat verir.
Dekabrın 15-də Yeni Azərbaycan Partiyası idarə heyətinin genişləndirilmiş iclasında İlham Əliyevin prezident seçkilərində namizədliyinin irəli sürülməsi ilə bağlı qərar qəbul edilib.
Bundan başqa, qeydə alınan namizədlər arasında Milli Cəbhə Partiyasının (MCP) sədri Razi Nurullayev, deputat Qüdrət Həsənquliyev (Bütöv Azərbaycan Xalq Cəbhəsi Partiyasından), deputat Fazil Mustafa (Böyük Quruluş Partiyası), Sosial Tədqiqatlar Mərkəzi idarə heyətinin sədri, deputat Zahid Oruc, Böyük Azərbaycan Partiyasının sədri Elşad Musayev və keçmiş Azərbaycan Liberal Demokrat Partiyasının sədri Fuad Əliyev da var.
Fuad Əliyev seçkilərdə müstəqil namizəd kimi iştirak edəcək və “Vətəndaş Birliyi” seçki qərargahını yaradıb.
