Cari il iyulun 1-dən Azərbaycanda qadınların pensiya yaşı artırılır. Bu haqda bu gün, 11 yanvar tarixində Bakuplus.az məlumat verir.
Həmin tarixdən pensiyaya çıxmaq istəyən qadınlardan 64 yaşının olması tələb olunacaq.
Pensiya yaşının artırılması “Əmək pensiyaları haqqında” qanuna 2017-ci ildə edilən dəyişikliklər əsasında baş verir. Bu şərtlər 2024-cü il iyulun 1-dən 2025-ci il iyunun 30-na kimi tətbiq olunacaq.
Belə ki, kişilərin yaşının ildə altı ay artırılması 2017-ci il iyulun 1-dən başlayıb və 2021-ci il iyulun 1-dək davam edib. Amma qadınlar üçün yaş həddi 2017-ci il iyulun 1-dən 2027-ci il iyulun 1-dək hər il altı ay artacaq.
2027-ci ildə kişilər və qadınlar üçün pensiya yaşı 65-ə çatdırılaraq eyniləşəcək.
