Azərbaycanda taksilərlə bağlı daha bir neçə qərar təsdiqlənib. Bu haqda bu gün, 28 mart tarixində Bakuplus.az Report-a istinadən xəbər verir.
- Azərbaycanda taksilərin üzərində sarı-qara və ağ-qara damalı zolaq, həmçinin qara hərflərlə “taksi” sözü yazılmış taksi fənəri quraşdırılacaq;
- Sərnişindaşımalarada xüsusi gediş haqqı lövhəsi quraşdırılacaq, hansı ki hər km-ə görə, km-dən artıq hər km-ə görə sifariş haqqı əks olunacaq. Həmçinin sifariş müddətində boş dayanmanın hər dəqiqəsinə görə sifariş haqqı göstəriləcək;
- Quraşdırılan məlumat lövhəsində isə sürücünün soyadı, adı , ünvanı, əlaqə nömrəsi, fotoşəkli və avtonəqliyyat vasitəsinin buraxılış kartının nömrəsi əks olunacaq.
Bundan əlavə, ikiqapılı, fərdi konstruksiya əsasında hazırlanan, habelə əllə idarə olunan əlilliyi olan şəxs üçün avtonəqliyyat vasitələrinin taksi minik avtomobilləri kimi istismarına yol verilməyəcək.
Minik avtomobilləri “ABS” əyləc sistemi, salonu normal işıqlandırma sistemi, tam hava tənzimləyicisi, sürücü və bütün sərnişinlər üçün təhlükəsizlik kəməri ilə təchiz edilməlidir.
[URIS id=133543]
