Aprelin 1-dən Səhiyyə Nazirliyi müharibə veteranları və şəhid ailələrinə psixoloji yardım və tibbi reabilitasiyanın göstərilməsi məqsədilə 9109 qısa nömrəsi ilə Çağrı Mərkəzini işə salacaq. Bu haqda bu gün, 31 mart tarixində Bakuplus.az nazirliyin mətbuat xidmətinə istinadən məlumat verir.
9109 Zəng Mərkəzi müharibə veteranlarına və şəhid ailələrinə psixoloji dəstəyin təkmilləşdirilməsi, tibbi reabilitasiya xidmətinin müntəzəmliyini təmin etmək, habelə digər dövlət strukturları ilə əlaqələndirilməklə yaradılıb.
Çağrı Mərkəzinə daxil olan müraciətlərə operativ baxılması məqsədilə aidiyyəti dövlət qurumları ilə inteqrasiya olunmuş “Müharibə veteranları və şəhid ailələrinə psixoloji yardım və tibbi reabilitasiya üzrə Vahid Nəzarət Platforması” formalaşdırılıb.
Çağrı mərkəzinə müraciətlər həftə ərzində fasiləsiz qəbul ediləcək.
