“Ölkədə Həyata yol ver! / Life comes first on the road!” adlı film müsabiqəsinə başlanılıb. Bu haqda bu gün, 12 dekabr tarixində Bakuplus.az Rəqəmsal İnkişaf və Nəqliyyat Nazirliyinə istinadən xəbər verir.
“Azərbaycanda yol hərəkətinin təhlükəsizliyinin gücləndirilməsi” tvininq layihəsi çərçivəsində keçirilən müsabiqədə həm peşəkar, həm də həvəskar film müəllifləri qeydiyyatdan keçə bilərlər.
Filmlərin xronometrajının 5 dəqiqəyə qədər olması nəzərdə tutulub. Film müsabiqəsi barədə daha ətraflı məlumatı buradan əldə etmək mümkündür.
Tvininq layihəsi Avropa İttifaqı tərəfindən maliyyələşdirilir və yol hərəkətinin təhlükəsizliyi ilə bağlı məlumatlılığın artırılması və vətəndaşlar arasında yolda məsuliyyətli və təhlükəsiz davranış mədəniyyətinin formalaşdırılmasına yönəldilib.
