“Azərbaycan Hava Yolları” QSC (AZAL) Avstriyanın paytaxtı Vyanaya uçuşlarına xüsusi təklif təqdim edib. Bu haqda bu gün, 15 dekabr tarixində Bakuplus.az Report-a istinadən xəbər verir.
Təklif bu gündən etibarən dekabrın 21-dək davam edəcək. Alınan biletlər vasitəsilə 16 yanvar 2023-cü ildən 11 iyun 2024-cü ilə qədər (yüksək tələbat dövrü istisna olmaqla) səyahət etmək mümkündür.
Bakı və Vyana arasında reyslər həftədə iki dəfə – çərşənbə axşamı və cümə günləri həyata keçiriləcək.
Hər iki istiqamətə olan biletlərin qiyməti 555 manatdan başlayır.
Biletləri azal.az saytından və ya “Azərbaycan Hava Yolları”nın akkreditə olunmuş agentliklərindən əldə etmək mümkündür.
