Bu gün, noyabrın 24-də Azərbaycanın milli aviadaşıyıcısı AZAL endirimli qiymətlərlə aviabiletlərin satışını elan edib. Bu barədə Bakuplus.az “Azərbaycan Hava Yolları” QSC-nin mətbuat xidmətinə istinadən məlumat verir.
Aviabiletlərin qiyməti təyinat yerindən asılı olaraq 39-199 avro arasında dəyişir. Kampaniya çərçivəsində AZAL müştəriləri 35-dən çox istiqamətə endirimli qiymətlərlə biletlər əldə edə bilərlər.
AZAL-ın bu təklifi yalnız bu gün keçərlidir. Endirimli biletlər 15 yanvar - 6 mart 2024-cü il tarixləri arasında (hər iki tarix daxil olmaqla) həyata keçirilən uçuşlar üçün etibarlıdır. Kampaniya çərçivəsində biletləri eksklüziv olaraq https://bit.ly/azal-app linkindən endirilə bilən yenilənmiş rəsmi AZAL mobil tətbiqi vasitəsilə əldə etmək olar. Endirimli biletlərin sayı məhduddur.
