Mart ayında - Novruz bayramı ərəfəsində AZAL aviaşirkəti Avropaya uçuşların tezliyini artıracaq. Bu haqda bu gün, 16 yanvar tarixində Bakuplus.az AZAL-ə istinadən məlumat verir.
Aşağıdakı istiqamətlərə uçuşlar qeyd olunan uçuş cədvəlinə uyğun həyata keçiriləcək:
- Barselona: çərşənbə axşamı, cümə axşamı, bazar günləri (martın 14-dən).
- Vyana: çərşənbə axşamı, cümə, şənbə günləri (martın 16-dan).
- Praqa: bazar ertəsi, cümə, şənbə günləri (martın 16-dan).
- Paris: çərşənbə axşamı, cümə, bazar günləri (martın 17–dən 29-dək ), çərşənbə axşamı, cümə axşamı, cümə, bazar günləri (martın 31-dən).
- Milan: bazar ertəsi, çərşənbə, cümə axşamı, şənbə, bazar günləri (martın 17-dən).
- London (Hitrou Hava Limanı): çərşənbə axşamı, cümə axşamı, şənbə günləri (martın 14-dən).
- London (Qetvik Hava Limanı): çərşənbə, cümə, bazar günləri (martın 17-dən).
Biletləri artıq www.azal.az rəsmi internet saytından, aviaşirkətin mobil əlavəsindən, həmçinin “Azərbaycan Hava Yolları” QSC-nin kassalarından və akkreditə olunmuş agentliklərindən almaq mümkündür.
