“Azərbaycan Hava Yolları” QSC (AZAL) İraqın üç şəhərinə – Bağdad, Ərbil və Bəsrəyə uçuşlara başlaya bilər. Bu barədə bu gün, 8 dekabr tarixində rəqəmsal inkişaf və nəqliyyat naziri Rəşad Nəbiyev “X” sosial şəbəkəsindəki hesabında yazıb.
Verilən məlumata görə, nazirin İraqa səfəri çərçivəsində bu ölkənin nəqliyyat naziri Rəzzək Mühaibas Əl-Sadavi ilə görüşü baş tutub. Görüş zamanı iki ölkə arasında beynəlxalq yük və avtomobil daşımaları sahəsində əməkdaşlığın inkişafı müzakirə olunub.
“Azərbaycan Hava Yolları”nın bu aydan etibarən Bakıdan Bağdad və Ərbilə, gələn ilin aprelindən isə həftədə bir dəfə Bəsrəyə uçuşların həyata keçirilməsi məsələsi nəzərdən keçirilib.
İraqa səfər zamanı tikinti, şəhərsalma, bələdiyyə və dövlət işləri naziri Bangen Rekani ilə görüşdük. İraqda həyata keçirilən tikinti və infrastruktur layihələrində Azərbaycan şirkətlərinin iştirakı məsələlərini müzakirə etdik. pic.twitter.com/KjNvSWuh9L
— Rashad Nabiyev (@RashadNNabiyev) December 8, 2023
