11-ci sinif şagirdlərinin buraxılış imtahanının Azərbaycan dili fənni üzrə yüksək nəticə göstərən Bakı məktəbləri açıqlanıb.
Bu barədə 2025-ci ilə aid tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materialların yer aldığı "Abituriyent" jurnalının 12-ci nömrəsində məlumat verilib.
Siyahını təqdim edirik:
Bakı Türk liseyində buraxılış imtahanında iştirak edən 181 şagirdin orta balı 89.09 olub.
Bakı şəhəri Humanitar fənlər təmayüllü məktəb-liseyində imtahanda iştirak edən 44 şagirdin orta balı 88.35 təşkil edib.
Kimya-biologiya təmayüllü liseyi də yüksək nəticə göstərən məktəblər sırasında yer alıb. Bu təhsil müəssisəsində buraxılış imtahanında iştirak edən 71 şagirdin orta balı 88.28 olub.
Fizika, riyaziyyat və informatika təmayüllü liseyində buraxılış imtahanında iştirak edən 134 şagirdin orta balı 86.41 olub.
BDU-nun nəzdində "Gənc istedadlar" liseyində imtahanda iştirak edən 32 şagirdin orta balı 86.40 təşkil edib.
Akademik Zərifə Əliyeva adına liseydə imtahanda iştirak edən 112 şagirdin orta balı 85.53 təşkil edib.
mənbə: azedu
