Əməkdar artist Kübra Əliyeva Azərbaycanda avtomobil idarə edən ilk qadınlardan biri olduğunu bildirib.
Onun sözlərinə görə, bu hadisə 1984-cü ilə təsadüf edir.
Aktrisa Bakuplus.az-a bildirib ki, həmin dövrdə avtomobil idarə edən qadınlar arasında ilk olaraq Əminə Dilbazi, daha sonra Flora Kərimova və İlhamə Quliyeva olub. O, özünü isə bu siyahıda dördüncü qadın kimi göstərib.
Kübra Əliyeva qeyd edib ki, İlhamə Quliyeva bir müddət qırmızı rəngli "Jiquli-05" markalı avtomobil idarə edib. Daha sonra isə həmin avtomobili sataraq sürücülükdən imtina edib.
Aktrisa çıxışı zamanı Reyhan Müslümovanın da həmin dövrdə avtomobil idarə edən qadınlardan biri olduğunu xatırladıb.
