Rusiyada azərbaycanlı kişi keçmiş sevgilisini öldürüb.
Bildirilir ki, hadisə Sankt-Peterburq şəhərində qeydə alınıb. 28 yaşlı Yaqub Vaqif oğlu Süleymanov keçmiş sevgilisini qadınlara yardım mərkəzinin qarşısında bıçaqlayıb.
Ağır xəsarətlər alan 27 yaşlı qadın xəstəxanaya aparılarkən yolda dünyasını dəyişib.
Məlumata əsasən, qadın əvvəllər dəfələrlə polisə müraciət edərək sevgilisinin onu döydüyünü bildirib. Sentyabr ayında Yaqubdan qaçaraq sosial yardım mərkəzinə sığınıb. Lakin keçmiş sevgilisi onun yerini müəyyənləşdirib.
Noyabrın 12-də qadını mərkəzin girişində yaxalayan Yaqub Süleymanov ona səkkiz bıçaq zərbəsi endirib və boğazını kəsib. Hadisədən sonra avtomobillə qaçan şübhəli yarım saat sonra polisə zəng edərək cinayətini etiraf edib. O, daha sonra saxlanılıb.
Məlumata görə, Yaqub Süleymanov Azərbaycanda anadan olub, Rusiya vətəndaşıdır və bir müddət Dağıstanda yaşayıb. Qeyd edək ki, Yaqub Süleymanovun üç övladı var. Qətlə yetirilən qadından isə beş yaşlı oğlu qalıb.
Mənbə: Rusiya KİV
