Bakı-Sumqayıt avtomobil yolunun üzərində, Xırdalan şəhərinin ərazisində yerləşən Abşeron Gənclər Şəhərciyində sakinlər problemlə üzləşiblər.
Bakuplus.az xəbər verir ki, vətəndaşların sözlərinə görə, yaşayış kompleksindəki bir çox binanın zirzəmisi su ilə dolub.
Bu vəziyyət binaların bünövrəsinin uzun müddət su ilə təmasda qalması ilə bağlı narahatlıqları artırır. Sakinlər bildirirlər ki, problem yeni deyil və şəhərcikdə əvvəllər də analoji hallar yaşanıb.
Zirzəmilərdə suyun toplanmasının səbəbi və problemin nə zaman aradan qaldırılacağı isə hələlik məlum deyil.
