Bakı və Həştərxan arasında aviareyslər bərpa olunub. Bu haqda bu gün, 9 aprel tarixində Bakuplus.az Report-a istinadən xəbər verir.
“Azimut” aviaşirkəti Bakıdan Həştərxan şəhərinə və əks-istiqamətdə reysləri bərpa edib. Uçuşlar həftədə iki dəfə – bazar ertəsi və cümə axşamı günləri yerinə yetiriləcək.
Bakıdan təyyarə saat 07:00-da yola düşərək Həştərxana saat 08:30-da enəcək. Dönüş reysi saat 09:35-də nəzərdə tutulub və paytaxta saat 11:05-də çatacaq.
Uçuşun müddəti 1 saat 30 dəqiqədir.
