Yenilənib:
Açılış mərasimində ölkə başçısı Tofiq Quliyevi caz sənətinin banisi adlandırıb, onun nailiyyətlərini vurğulayıb və əsərlərinin ölməz olduğunu əlavə edib.
“Onu tanıyanlar yaxşı bilirlər ki, çox gözəl insan, gözəl ziyalı idi, sözün əsl mənasında böyük mədəniyyət xadimi idi və öz fəaliyyəti, öz əsərləri, Azərbaycanın ictimai həyatındakı rolu ilə tarixdə öz layiqli yerini tutmuşdur”, - deyə Prezident bildirib.
Daha sonra Üzeyir Hacıbəyli adına Bakı Musiqi Akademiyasının rektoru, Xalq artisti, professor Fərhad Bədəlbəyli, Xalq artisti, görkəmli bəstəkar Polad Bülbüloğlu, Əməkdar incəsənət xadimi Rafiq Seyidzadə və Tofiq Quliyevin qızı Lalə Quliyeva çıxış ediblər.
Ən sonda ölkə başçısı Tofiq Quliyevin ailə üzvləri, mədəniyyət və incəsənət xadimləri ilə söhbət edib.
Prezident və incəsənət xadimlərinin çıxışları barədə ətraflı məlumatı buradan almaq mümkündür.
12:27 - Tofiq Quliyevin heykəlinin açılışı olub
Xalq artistinin heykəlinin açılışı baş tutub. Bu haqda bu gün, 8 fevral tarixində Bakuplus.az Prezidentin saytına istinadən xəbər verir.
Görkəmli bəstəkar, Xalq artisti Tofiq Quliyevin Səməd Vurğun bağı yaxınlığında yerləşən heykəlinin açılışı baş tutub.
Açılış mərasimində Prezident İlham Əliyev də iştirak edib.
[URIS id=89875]
