Bakıda yeni avtomobil yolu çəkilir. Bu haqda bu gün, 4 aprel tarixində Bakuplus.az Avtomobil Yolları Dövlət Agentliyinə istinadən xəbər verir.
Ümumi uzunluğu 12,7 km olan Böyükşor–Pirşağı avtomobil yolunun tikintisinə start verilib. Yeni avtomobil yolu 6 hərəkət zolağından ibarət olacaq. Hazırda layihə üzrə torpaq işləri, ərazinin təmizlənməsi, bitki qatının çıxarılması, qazma və dolğu işləri aparılmaqla yeni torpaq yatağının inşası işləri həyata keçirilir.
Tikinti işləri ilə əlaqədar Böyükşor gölü üzərindəki yol ilə Binəqədi–Balaxanı yolunun kəsişməsindəki dairə ləğv edilib.
Yeni yol Böyükşor gölündən başlamaqla Məmmədli və Kürdəxanı qəsəbələrindən keçib Pirşağı qəsəbəsinə qədər uzanacaq.
[caption id="attachment_134257" align="alignnone" width="640"]
Foto AYDA[/caption]
