Baş prokuror Sabunçu rayonunda sakinləri qəbul edəcək. Bu haqda bu gün, 16 aprel tarixində Bakuplus.az Baş Prokurorluğa istinadən xəbər verir.
Baş prokuror Kamran Əliyev rayonun hüquq-mühafizə orqanlarının icraatında olan cinayət işləri və materiallar üzrə, o cümlədən prokurorluq orqanlarının fəaliyyətinə aid məsələlərlə bağlı konkret müraciət və ya şikayəti olan vətəndaşların qəbulunu keçirəcək.
Tədbir 23 aprel saat 10:00-da Sabunçu rayon prokurorluğunun inzibati binasında baş tutacaq.
Vətəndaşlar qəbulla bağlı Sabunçu Rayon Prokurorluğuna yazılı və ya şifahi müraciət edə, eləcə də Baş Prokurorluğun Sənədlərlə və müraciətlərlə işin təşkili idarəsinin (012) 361-14-07 nömrəli və Bakı şəhər prokurorluğunun (012) 361-02-44 nömrəli telefonları, contact@prosecutor.gov.az elektron poçt ünvanı, həmçinin prokurorluğun sosial şəbəkələrdəki səhifələri vasitəsilə qəbula yazıla bilərlər.
