Baş Prokurorluqda kadr dəyişikliyi baş verib. Bu haqda bu gün, 17 mart tarixində Bakuplus.az Report-a istinadən xəbər verir.
Baş Prokurorluğun Sənədlərlə və müraciətlərlə işin təşkili idarəsinin rəisi, III dərəcəli dövlət ədliyyə müşaviri Eldar Sultanov vəzifəsindən azad edilib. Bununla bağlı baş prokuror Kamran Əliyev əmr imzalayıb.
K.Əliyev tərəfindən ona “Prokurorluğun fəxri işçisi” döş nişanı təqdim edilib.
Baş Prokurorluğun Sənədlərlə və müraciətlərlə işin təşkili idarəsinin rəisi vəzifəsinin icrası müvəqqəti olaraq Sahib İsmayılova həvalə olunub.
O, daha öncə Baş Prokurorluğun Təşkilat və icraya nəzarət idarəsinin Statistika şöbəsinin rəisi - idarə rəisinin müavini vəzifəsində çalışıb.
