Bakı Avtovağzalındakı avtobus dayanacağı sərnişinlərin narazılığına səbəb olur. Bu haqda bu gün, 20 dekabr tarixində Bakuplus.az İctimai TV-yə istinadən xəbər verir.
Şəhərlərarası avtobusların əksəriyyətinin son dayanacağı olan bu yerdən insanlar sıx-sıx istifadə edirlər. Sərnişinlərin sözlərinə görə, buradakı dayanacaqların infrastrukturu çətinliklər yaradır.
“Camaat dayanacaqda əsir, yağışda islanır. Üstüörtülü və ya qapalı olsaydı, daha yaxşı olardı”, – deyə sakinlər şikayət edirlər.
Həmçinin dayanacaqların bəziləri uçuq-sökük vəziyyətdədir. Bu da sərnişinlər üçün əlavə çətinliklər yaradır.
AYNA-nın mətbuat katibi Tural Orucov məsələ ilə bağlı bildirib ki, Avtovağzal tərəfindən bu kimi halların aradan qaldırılması üçün tədbirlər görülür. Yaxın günlərdə dayanacaqlar təmir ediləcək.
