Paytaxtın Nərimanov rayonunda gecə saatlarında fəaliyyət göstərən restoran aşkarlanıb. 25 nəfər cərimələnib. Bu haqda bu gün, 16 noyabr tarixində Report Daxili İşlər Nazirliyinə istinadən məlumat yayıb.
Ə.Rəcəbli küçəsində yerləşən "Altus" otelinin daxilində olan ictimai iaşə obyektinin saat 00:00-dan sonra işlədiyi məlum olub.
Keçirilən əməliyyat zamanı 22 nəfər və otel rəhbərliyi ümumilikdə 8400 manat cərimə olunub.
Daha 2 nəfər polisə müqavimət göstərdikləri üçün barələrində tərtib edilmiş protokol məhkəməyə göndərilib.
Bundan əvvəl, 13 noyabr tarixində Bakıda yerləşən “Taksim Kebap” restoranı karantin qaydalarını pozduğu üçün cərimələnmişdir.
