Paytaxtda narkotik dövriyyəsi, qaçaqmalçılıq və cinayət yolu ilə əldə edilmiş pulları leqallaşdırmaqda ittiham edilən 20 nəfərə hökm oxunub. Bu haqda bu gün, 16 mart tarixində Bakuplus.az Qafqazinfo-ya istinadən xəbər verir.
Bakı Ağır Cinayətlər Məhkəməsinin hakimi Faiq Qəniyevin qərarına əsasən, 17 nəfər 9 ilə kimi azadlıqdan məhrum edilib, 3 nəfər isə məhkəmə zalından azadlığa buraxılıb.
Təqsirləndirilən şəxslər 2021-ci ildə keçirilən xüsusi əməliyyat zamanı həbs olunublar.
İttihama görə, Fərqanə Nağıyeva ölkə daxilində narkotik vasitələrin satışından əldə olunan pulların toplanması və deyilən ünvanlara çatdırılmasına rəhbərlik edib. Onun həyat yoldaşı Adəm Nağıyev, eləcə də dəstəyə daxil olan daha 18 nəfər – Əli Ağayev, Abbas Məhərrəmov, Naib Abdullayev, Rüzgar Qəribov, Rəhim İbrahimov, Kamil Məmmədov, Əminə Yusifova, Cavid İsmayılov, Məcid Hüseynov, Orxan Cəfərov, Orxan Fərəcli, Yavər Həsənov, Elman Əliyev, Əliqulu Bayramov, Orman Səfərov, Mirsəid Əliyev, Ramiz Nağıyev və Toğrul Əbdüləzimov ölkə ərazisində müxtəlif şəxslərə aid narkotik vasitələrin satışı zamanı istifadə edilən 2000-ə yaxın kart hesabı açıblar.
