Bakıda külli miqdarda pul mənimsəyən şəxslər barəsində hökm oxunub. Bu haqda bu gün, 9 aprel tarixində Bakuplus.az Report-a istinadən xəbər verir.
Vətəndaşların etibarından istifadə edərək, onlara qarşı külli miqdarda dələduzluq etməkdə təqsirləndirilən dəstə üzvləri – Rufan Qasımov, Cavid Əliyev, Orxan Həsənov və Namiq Bayramov məhkəmə zalında həbs ediliblər. Onlar daha öncə yalnız polis nəzarəti altında idilər.
Adıçəkilənlər müxtəlif şəxslərə qarşı dələduzluq edərək ümumilikdə 800.000 AZN pul mənimsəyiblər.
Zərərçəkmişlər şəxs qismində Tibbi Ərazi Bölmələrini İdarəetmə Birliyi (TƏBİB), Səhiyyə Nazirliyi, Azərbaycan Meliorasiya və Su Təsərrüfatı ASC, Novruz Əlimirzəyev və Rəşat Əhmədov tanınıb.
Daha öncə məhkəmə Z.Zahidov barəsində 6 il 6 ay, R.Qasımov barəsində 5 il 6 ay, C.Əliyev barəsində isə 2 il 9 ay müddətə həbs qərarı vermişdi.
