TƏBİB-nin tabeliyində olan “Yeni Klinika”da 98 yaşlı pasiyentə icbari tibbi sığorta ilə ilk dəfə olaraq bud-çanaq oynağının artroplastikası (endoprotez) əməliyyatı uğurla icra edilib. Bu barədə bu gün, 16 yanvar tarixində tibb müəssisəsinin ictimaiyyətlə əlaqələr şöbəsinin müdiri Nuridə Allahyarova Facebook səhifəsində məlumat verib.
“Sol bud sümüyü sınığı şikayəti ilə müraciət edən xəstə dərhal müayinə olunaraq əməliyyata alınıb. Uzman travmatoloq Elşən Nəcəfov və anestezioloq-reanimatoloq Lalə Əliyevanın iştirakı ilə baş tutan endoprotez əməliyyatından sonra 98 yaşlı xəstə ambulator müalicə üçün evə yazılıb. Bizim üçün yaşınızın fərqi yoxdur - təki sağlam olun!” – deyə Allahyarova yazıb.
