Xəzər rayonunda ağacəkmə tədbirlərinə başlanılıb. Tədbir payız mövsümünün gəlməsi ilə əlaqədar keçirilib. Bu haqda 2 noyabr tarixində Xəzər rayonu İcra Hakimiyyətinin mətbuat xidməti məlumat yayıb.
Mərdəkan və Şağan qəsəbələrində payız mövsümüylə əlaqədar olaraq yeni ağaclar və gül kolları əkilmişdir. Ərazidə mövcud yaşıllıqlara xüsusi diqqət göstərilməklə çəmənliklərin biçilməsi, yabanı otların təmizlənməsi və əkilmiş ağacların suvarılması və aqrotexniki qulluq işləri aparılmışdır.
İşlər Bakı şəhərində yaşıllıq zolaqlarının salınması, ekoloji tarazlığın bərpası və ətraf mühitin mühafizəsi istiqamətində görülən işlərin davamı olaraq həyata keçirilimişdir.
Mövsüm ərzində Xəzər rayonunun yaşıllaşdırılması, yaşıllıqlara qulluq və abadlıqla bağlı işlərin davam etdirilməsi nəzərdə tutulub.
[URIS id=12580]
