Bakının Nərimanov rayonundakı Atatürk parkında ağacların qeydiyyatı və nömrələnməsi layihəsinin icrası davam etdirilir. Layihə Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə başlanıb. Bu haqda bu gün, 17 yanvar tarixində IDEA-nın mətbuat xidməti məlumat verib.
Tədbir IDEA İctimai Birliyi ilə yanaşı, Ekologiya və Təbii Sərvətlər Nazirliyi, yerli icra hakimiyyətləri və bələdiyyələrin əməkdaşlığı ilə həyata keçirilir.
Qeydiyyat şəhərin inzibati ərazisində yerləşən bütün yaşıllıq sahələrini, o cümlədən parklar, yol kənarları, həyətyanı sahələr və məhəllələri əhatə edəcək. Layihənin məqsədi yaşıllıq sahələrinin mühafizəsini təmin etmək, dəqiq inventarlaşdırma aparmaq, reyestri formalaşdırmaq və aparmaq, ictimai nəzarəti gücləndirməkdir.
[URIS id=87243]
