Bakda növbəti metro stansiyası Cəlil Məmmədquluzadə küçəsində yerləşəcək. Bu haqda BakuPlus Bakı Metropoliteninə istinadən xəbər verib.
Şərti adı “B-04” olan stansiyanın tikintisinin fəal fazasına 2021-ci ilin yay aylarında qədəm qoyulub. Heydər Əliyev adına İdman-Konsert Kompleksinin arxasında və 1 saylı Şəhər Klinik Xəstəxanasının yaxınlığında yerləşən stansiya kompleksinin uzunluğu 170 metrdir.
4 səviyyədən ibarət olacaq stansiyanın birinci olan kassa zalı səviyyəsi 2021-ci ildə tikilib. İkinci səviyyə texniki, üçüncü platformaya keçid xarakterli mezonin qatı, sonuncu isə 144 metr uzunluğunda platforma olacaq.
“Memar Əcəmi” stansiyasından başlayaraq, Bənövşəyi xəttin stansiyaları “Qruntda divar” üsulu ilə tikilir. Bu üsulun tələblərinə uyğun 1010 və 1021 metr uzunluqlarında olan iki tunel də inşa olunub. Bu isə o deməkdir ki, sonuncu, platforma səviyyəsində 7 vaqonlu qatarların dayanması üçün nəzərdə tutulmuş stansiya yolu da qazılıb.
