Bakıda “Baku İD” innovasiya festivalı keçirilir. Bu haqda bu gün, 27 iyun tarixində Bakuplus.az Report-a istinadən xəbər verir.
“Bakı Kristal Zalı”nda baş tutan tədbirdə 200-dən artıq yerli və xarici investor, 100-dən artıq xarici və yerli startap, 5000 iştirakçı və 50-dən artıq tərəfdaş yer alıb.
Festivalda elm və təhsil naziri Emin Əmrullayev, iqtisadiyyat naziri Mikayıl Cabbarov və digər rəsmilər iştirak edirlər.
Tədbir çərçivəsində süni İntellekt üzrə panel sessiyası təşkil olunacaq. Bundan başqa, “Emissiyanın sıfıra enməsində startapların artan rolu” panelində danışıq aparılacaq.
Festivalın startap müsabiqəsində iştirak edən startaplar 1 milyon ABŞ dolları dəyəri olan investisiya fondundan yararlana bilərlər. İştirakçıları, həmçinin qlobal texnologiya şirkətlərindən olan spikerlərin çıxışları, müxtəlif panel sessiyaları, region startaplarının təqdimat çıxışları, “networking” və digər maraqlı fəaliyyətlər gözləyir.
