Suraxanı rayonunda bir nəfərin intiharı ilə bağlı cinayət işinə aydınlıq gətirilib. Bu haqda bu gün, 11 dekabr tarixində Bakuplus.az Baş Prokurorluğa istinadən xəbər verir.
Araşdırmalar zamanı məlum olub ki, İntiqam Zamanov ailə münasibətləri zəminində qanunsuz hərəkətlər etdiyi üçün doğma oğlu öz ailəsi ilə birgə başqa yerə köçmüş, onu yeni evə qəbul etməmişdir. Bundan sonra mərhum müxtəlif ünvanlarda gecələdikdən sonra qanunsuz əməllərindən rüsvay olduğundan əvvəllər yaşadığı, Binə qəsəbəsində yerləşən evə gələrək orada intihar etmişdir.
Bundan əlavə, İ.Zamanovun ölümündən əvvəl yaşadığı evin qohumu Elman Zamanova məxsus olduğu, həmin evin mərhumun oğlu tərəfindən deyil, Elman Zamanov tərəfindən başqa şəxsə satıldığı müəyyən edilib.
Buna baxmayaraq, mərhumun bacısı Məhəbbət İsmayılova intihar faktı ilə razı deyil. O, İntiqam Zamanovun ölümündə məhz mərhumun oğlunun təqsirli olduğunu vurğulayır. Bu səbəbdən araşdırmaya təzyiq göstərmək üçün M. İsmayılova müxtəlif vaxtlarda 18 nəfərin adından prokurorluğa şikayətlər göndərib.
Hazırda cinayət işi üzrə araşdırmalar davam edir.
