Bakı Avropa Liseyinin köhnə binasının söküntüsü dayandırılıb. Bu haqda bu gün, 8 aprel tarixində Bakuplus.az Report-a istinadən xəbər verir.
Süleyman Tağızadə və Rostropoviçlər küçələrinin kəsişməsində yerləşən tikilinin ərazisində Mədəni İrsin Qorunması, İnkişafı və Bərpası üzrə Dövlət Xidmətinin əməkdaşları yoxlama aparacaqlar.
“Ərazinin tarixi və arxeoloji əhəmiyyətini müəyyən etmək üçün mütəxəssislər cəlb olunacaqlar. Mütəxəssislərin verdikləri rəy nəticəsində müvafiq addımlar atılacaq", – deyə qurumdan bildirilib.
Daha öncə sosial şəbəkələrdə həmin ərazidə qədim quyuların tapılması barədə məlumat verilmişdi.
