Ötən il Bakıda baş vermiş cinayətlərin sayı açıqlanıb. Bu haqda bu gün, 20 yanvar tarixində Bakuplus.az Daxili İşlər Nazirliyinin (DİN) mətbuat xidmətinə istinadən xəbər verir.
Keçən il ərzində paytaxtda 15.759 cinayət hadisəsi qeydə alınıb. Onlardan 82,8%-i az ağır və böyük ictimai təhlükə törətməyən, 17,2%-i ağır və xüsusilə ağır növ hadisələr olub.
2022-ci illə müqayisədə hesabat dövründə ehtiyatsızlıqdan adam öldürmə 2 dəfə, eləcə də ümumi cinayətlər 5,8%, ağır və xüsusilə ağır cinayətlər 14,8%, az ağır cinayətlər 5,7% azalıb.
Əlavə olaraq, 2023-cü ildə 49 soyğunçuluq və quldurluq cinayəti törədən 103 nəfərdən ibarət 42 qrup, eləcə də 56 mənzil oğurluğunda şübhəli bilinən 56 nəfərdən ibarət 26 cinayətkar qrup ifşa olunub.
Paytaxt ərazisində ibtidai istintaqı tamamlanmış cinayət işləri üzrə vətəndaşlara vurulan maddi ziyanın 33 milyon 748 min 928 manatı geri qaytarılıb.
