Ölkədə qazanc vəd edərək dələduzluq edənlərin sayı artıb. Bu haqda bu gün, 15 noyabr tarixində Bakuplus.az ATV-yə istinadən xəbər verir.
Bakı və ölkə ərazisində vətəndaşlara çoxlu sayda müxtəlif qazanc vəd edən mesajlar gəlir. Belə ki, əsasən, xarici nömrələr vasitəsilə müxtəlif şəxslərə yazaraq: “Bu qədər pul qoyub, 10 qat qazanacaqsan”, – deyə vəd edirlər. Vətəndaşlar isə bu kimi təkliflərə inanaraq külli miqdarda pul tirirlər.
“Guya Youtube-da hər video bəyənməsinə görə 2 AZN verəcəklər. Oxşayırdı ki, mesajlar bot tərəfindən yazılır”, – deyə vətəndaşlardan biri qeyd edir.
İT mütəxəssisi Elvin Abbasov qeyd edib ki, dələduzluq yalançı bir şirkət tərəfindən olduğu üçün hüquq-mühafizə orqanlarına şikayət etmək mümkün olmur. Çünki biz pulumuzu virtual bir şirkətə vermişik. Bu tip hallar Azərbaycanda çox müşahidə olunur. İnsanlar böyük əziyyət çəkirlər, 50.000, 100.000, 200.000 AZN pul itirənlər var.
Ekspertlər deyirlər ki, vətəndaşlar tanımadıqları və xarici nömrələrdən gələn mesajlara daha diqqətli olmalı, onların şirinləndirici vədlərinə inanmamalıdırlar.
