“Qat-Qat Cake Shop” şirniyyat mağazasında plandankənar yoxlama keçirilib. Bu haqda bu gün, 17 aprel tarixində Bakuplus.az Azərbaycan Qida Təhlükəsizliyi Agentliyinə (AQTA) istinadən xəbər verir.
Yasir Əliyevə məxsus obyekt Bakı şəhərinin Nizami rayonunda yerləşir. Burada qida təhlükəsizliyi sahəsində texniki normativ hüquqi aktların, sanitariya norma və qaydalarının tələbləri pozulub. Satış vitrinində istifadə müddəti bitmiş tortlar aşkarlanıb.
Həmçinin temperatur rejiminə əməl olunmadığı, bəzi tortlarda isə aşkar kiflənmə əlamətləri müəyyən olunub.
Müəssisə rəhbərliyi barəsində inzibati protokol tərtib edilib, məhdudlaşdırıcı tədbirlərin tətbiqi barədə qərar qəbul edilərək istehlaka yararsız məhsulların satışının qarşısı alınıb.
