Bakının iki rayonunda “İDEA Campaign” qeyri-hökumət təşkilatı tərəfindən “Bizim həyət” layihəsi çərçivəsində abadlıq işləri aparılıb. Bu haqda bu gün, 10 yanvar tarixində Bakuplus.az məlumat verir.
Nəsimi rayonu, Bakıxanov küçəsi, 42 və Sabunçu rayonu, Bakıxanov qəsəbəsi, Sakit Qocayev, 25, 25a, 25b, 27 və 27c ünvanlarında 4600-dən çox sakinin yaşadığı çoxmərtəbəli binaları əhatə edən həyətlər abadlaşdırılaraq, sakinlərin istifadəsinə verilib.
Açılışda “İDEA Campaign” qeyri-hökumət təşkilatının təsisçisi Leyla Əliyeva da iştirak edib.
Sakinlər üçün Yeni il bayramı ilə bağlı şənlik təşkil olunub, onlara bayram sovqatları paylanılıb, musiqili və əyləncəli proqram keçirilib.
[caption id="attachment_125685" align="alignnone" width="640"]
Foto “İDEA Campaign”[/caption]
