Paytaxtın Nəsimi rayonu, Salatın Əsgərova küçəsi, 86 nömrəli evin yaxınlığında köhnə hamamın divarları yaxınlığında qanunsuz üçmərtəbəli binanın tikildiyi aşkar edilib. Bu haqda bu gün, 4 oktyabr tarixində Azərbaycan Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Bakı Regional İdarəsinin rəsmisi Nuridə Allahyarova məlumat verib.
Fövqəladə Hallar Nazirliyinin müvafiq instansiyası və Dövlət Şəhərsalma və Arxitektura Komitəsinin birgə iştirakı ilə qanunsuz tikinti işlərinin qarşısı alınıb, qeyri-qanuni tikili sökülüb.
