Bakıda evli qadının həyat yoldaşı və sevgilisi arasındakı münaqişə arzuolunmaz şəkildə başa çatıb.
Publika.az-ın əldə etdiyi məlumata görə, hadisə Yasamal rayonu ərazisində yerləşən 20 saylı məktəbin qarşısında baş verib.
Əliyev əvvəllər sevgi münasibətində olduğu və dəfələrlə görüşdüyü qadına xərclədiyi pulları geri tələb edib. O, hətta qadının əri 1976-cı il təvəllüdlü R.Hətəmovu taparaq onun arvadına xərclədiyi pulları geri verməsini istəyib. Bundan sonra tərəflər arasında münaqişə yaranıb.
R.Hətəmov E.Əliyevi ölümlə hədələyib və onu təqib edib.
Hadisə ilə bağlı polisə müraciət edildikdən sonra Cinayət Məcəlləsinin 134-cü (Öldürməklə və ya sağlamlığa ağır zərər vurmaqla hədələmə) maddəsi ilə cinayət işi açılıb.
Məlum olub ki, Şuşa rayon sakini olan R.Hətəmovun arvadı özünü vəkil kimi təqdim edən E.Əliyevlə münasibətdə olub, dəfələrlə müxtəlif rayonlara gedərək istirahət ediblər, hətta qadının yaxınlarının yaşadığı rayonlara gedərək onlarla görüşüblər. Lakin onların münasibəti pozulandan sonra E.Əliyev xərclədiyi pulları tələb edib. O, keçmiş sevgilisinin ərindən də pul tələb edib.
Cinayət işinin materialları Yasamal rayon Məhkəməsinə daxil olub. Məhkəmədə çoxsaylı iddia və ittihamlar səsləndirilib.
Məhkəmənin bir neçə gün əvvəl elan etdiyi hökmlə arvadının sevgilisini ölümlə hədələyən Hətəmova 9 ay azadlığın məhdudlaşdırılması cəzası təyin edilib və üzərinə elektron təqib cihazı yerləşdirilib.
