Bakının Suraxanı rayonu, Hövsan qəsəbəsində Elşən Xadızadənin həyat yoldaşı Gülnar Vəlizadə tərəfindən qətlə yetirilməsində təqsirləndirilən qadının cinayət işi başa çataraq məhkəməyə göndərilib. Bu haqda bu gün, 10 iyun tarixində APA məlumat verib.
Cinayət işinə Bakı Ağır Cinayətlər Məhkəməsinin hakimi Faiq Qəniyevin sədrliyi ilə baxılacaq.
Bildirilir ki, hadisə uzun sürən ailə münaqişəsi zəminində baş vermişdir. Cütlüyün iki azyaşlı övladı var. Ailədaxili münaqişələr zamanı hətta uşaqlara da şiddət göstərilmişdir.
Bu ilin 30 yanvar tarixində növbəti mübahisə zamanı Vəlizadə ərini ürək nahiyəsindən bıçaqlamışdır. Xadızadə xəstəxanaya yerləşdirilmişdir, lakin həkimlərin bütün səylərinə baxmayaraq dünyasını dəyişmişdir.
Hadisənin uşaqların gözü qarşısında baş verdiyi bildirilir.
Qadının son vaxtlar depressiyaya düşdüyü məlum olub. Son paylaşımında o, anasının məzarından foto paylaşmışdır.
