Bakıda sürücülük vəsiqəsi olmadan nəqliyyat vasitəsi idarə edənlərin sayı açıqlanıb. Bu haqda bu gün, 7 dekabr tarixində Report Bakı Şəhər Dövlət Yol Polisi İdarəsinə istinadən məlumat yayıb.
2021-ci ilin 11 ayı ərzində paytaxt ərazisində 1300-ə yaxın qanunsuz avtomobil idarə edən şəxs aşkarlanıb. Onların 39-u avtoqəza törədib, 18 nəfərin ölümünə, 29 şəxsin isə xəsarət almasına səbəb olub.
“Məsuliyyətsizlik edərək sürücülük hüququ olmadan avtomobil idarə etmək inzibati məsuliyyət yaradırdısa, bu vəziyyət cinayət tərkibi yaradan yol-nəqliyyat hadisələrində şəxsin birbaşa təqsirli hesab olunması üçün əsas yaradan hallardan biri kimi qiymətləndirilir," - deyə qurum əlavə edib.
